“ હરમન “

                    

 નામ તો તેનું હરમન હતું,લોકો તેને હરમન કહેવાને બદલે હરમણ પણ કહેતા ખરી,હરમનને કઈ ધંધો ન હોવાથી વળી તેણે બાળપણમાં અભ્યાસ પણ કઈ કર્યો ન હોવાથી તે તેના પાપા અને એક નાના ભાઈ સાથે ખેતી કરતો હતો,હરમન ભલે અભણ હતો પણ તે ખેતી કરવામાં હોશીયાર હતો,તેના પાપાના ભાગમાં વીસ વિધા જમીન હતી,વળી તે જમીન પણ પાણીવાળી હોવાથી હરમન અને તેના પાપા તેના ખેતરમાંથી ત્રણે ત્રણ ઋતુનો પાક લેતા હતા,પાણીની તકલીફ ના હોવાથી વળી જમીન પણ દુજણી ગાય જેવી હોય તેમ તેમાં જેની પણ ખેતી કરવામાં આવતી તેને તેમાં મબલક પાક આપતી,

             ખેતી કરવામાંને કરવામાં હરમનની ઉમર લગ્નલાયક થઇ ગઈ હોવાથી તેના પાપાએ પોતાના મોટા દીકરાના લગ્નની જાહેરાત કરી દીધી,જો કે હરમન પૈસેટકે સુખી હોવાથી વળી તે નાના એવા મકાનમાં રહેવાને બદલે બંગલો કહી શકાય તેવા આલીશાન મકાનમાં રહેતો હોવાથી કોઇપણ બાપ પોતાની દીકરીને હરમનને પરણાવવા તૈયાર હતા,પોતાના દીકરાના લગ્નની જાહેરાત કરી હોવાથી એક પછી એક માંગા હરમનને ઘરે આવતા રહેતા,હરમને એક બે યુવતી જોયી પણ તેને તે પસંદ ના આવી.એટલે નવા માંગા આવે તેની હરમન અને તેના પાપા રાહ જોવા લાગ્યા,

            પૈસાદાર હોવાથી વળી ગામમાં આબરૂ પણ સારી હોવાથી ફરી નવા માંગા આવવા લાગ્યા,હરમન આ માંગામાંથી એક સરોજની નામની સુંદર યુવતી પસંદ પડી ગઈ,તેના પાપાએ સરોજનીના પાપા સાથે વાત કરીને હરમનના લગ્નની તારીખ પણ નક્કી કરી નાખી,હરમનને જેમ સરોજની ગમતી હતી તેમ સરોજનીને પણ હરમન પહેલી નજરમાં ગમતો હતો.

            હરમન દેખાવે બહુ સુંદર નહોતો પણ દિલનો સાવ ભોળો અને દયાવાન હતો,કોઇપણ વ્યક્તિ તેને જોવે તો તેવો એવું ના કહી શકે કે આ વ્યક્તિ ખરાબ હોઈ શકે,હરમનનો ચહેરો જેવો નિર્દોષ હતો તેવો જ તે પણ દિલથી નિર્દોષ હતો,હરમનમાં આમતો નામ પ્રમાણે જ ગુણ હતા,તેને જોતાજ કોઇપણ યુવતી તેના પર આફરીન થઇ જતી,હરમન એટલે કે દરેકના મનનું હરણ કરનાર,આ બાજુ સરોજની દેખાવે સુંદર તો હતી સાથે સંસ્કારી પણ હતી વળી દરેક છોકરીઓ કે યુવતીને પોતાનું રૂપનું.દેખાવનું અભિમાન હોય છે પણ સરોજનીને લગીરેક પણ પોતાના રૂપનું અભિમાન નહોતું,

             લગ્નની તારીખ આવી ગઈ હોવાથી ધામધૂમથી હરમન અને સરોજની લગ્નના બંધને બંધાય ગયા,જે એકલા પક્ષીઓ પહેલા આમતેમ ભટકતા હતા તે હવે બે થવાથી ભેસ જેમ એક ખીલે બંધાય તેમ એક ખીલે બંધાય ગયા હતા,અને પોતાનું સંસાર સાગરનું વહાણ ધીમે ધીમે હંકારી રહ્યા હતા,હરમન હવે ખેતી કરીને થાકી ગયો હોય તેમ તેણે પોતાના પાપાને કહીને એક ટ્રક લીધો,તેને હકાવતા આવડતું હોવાથી તે ટ્રકના ભાડા કરવા લાગ્યા,તેણે પોતાની ખેતી પોતાના નાનાભાઈ અને પાપાને સોપી દીધી જયારે તે ટ્રક ચલાવવાનો ધંધો કરવા લાગ્યો.

          હરમન ક્યારેક કોઈ પથ્થરની ગાડી ફરવા પોતાનો ટ્રકનો ઉપયોગ કરતો તો ક્યારેક કોઈ માલ-સામાનની હેરફેર માટે ઉપયોગ કરતો,હરમન એક બાજુ શાંતિથી પોતાનું સંસારનું પૈડું ચલાવતો હતો જયારે બીજી બાજુ તે પોતાના ટ્રકનું પૈડું ચલાવતો હતો,ડાયવર હોવાથી હરમનને જ્યાંત્યા જવાનું થવાથી નવા નવા તેના જેવા ડાયવર હોય તેવા મિત્રો થવા લાગ્યા,ડાયવર હોય તે લગભગ દારૂ તો પિતા જ હોય,જોકે હરમને હજી સુધી દારૂનો સ્વાદ લીધો નહોતો પણ પોતાના મિત્રોને માન આપીને તે એકદિવસ તેણે દારૂની મહેફિલ માંણી,હરમનને દારૂ પીવાની બહુ મજા આવી હોય તેમ હવે તે પણ પોતાના મિત્રો સાથે દારૂની લતે ચડી ગયો,

            તે ડાયવરનો ધંધો કરતો હોવાથી તેને ધરે આવામાં અનિયમિત થઇ જતું હતું,વળી તે પત્ની સરોજની બિચારી પથારી પર જૂરી જૂરી હરમનની રાહ જોવામાં એકલીને એકલી સુઈ જતી.હરમન પહેલા તો બહાર હોય ત્યાજ દારૂ પીતો પણ હવે તો તે ધરે આવીને પણ દારૂ પીવા લાગતો.જે હરમન પહેલા નિર્દોષ હતો તેજ હવે તેના કુટુંબ માટે ભયાનક થવા લાગ્યો હતો.તેના પાપા અને તેનો ભાઈ તેને દારૂ ના પીવા બહુ સમજાવતા પણ તે કોઈનું માનતો જ નહી.તેની પત્ની પણ પોતાના પતિને આ વ્યસનથી દુર થવા ધણી વખત કહેતી પણ હરમનના જીવનમાં દારૂનો નશો એ પ્રકારનો ચડી ગયો હતો કે કોઈને તેને મારી નાખે તો તે મરવા તૈયાર થઇ જતો પણ દારૂ તો જીવનની અંદર ક્યારેય મુકવા માંગતો નહોતો,

             હરમન પહેલા બધાનો માનીતો હતો તેટલો તે હવે બધાથી દુર થવા લાગ્યો હતો,દારૂના વ્યસને તેના જીવનમાં કેટલાય તોફાનો સર્જ્યા હતા છતાં તે તેનો દારૂ મુકવા તૈયાર નહોતો,સરોજનીએ પહેલા પોતે કોઈ ખરાબ કર્મો કર્યા હોય અને તેનું ફળ તેને અત્યારે મળતું હોય તેમ તે માનવા લાગી હતી,

            હરમન હવે દિવસેને દિવસે બધાનો પરાયો બનવા લાગ્યો હતો,સરોજની પણ તેને પરાયો બનાવવા માગતી હતી પણ શું થાય પતી એ જ પરમેશ્વર છે એવું કહેવામાં આવતું હોવાથી સરોજનીને હરમનના દારૂના વ્યસન પર ભારોભાર નફરત હોવા છતાં તે હરમનને પહેલા જેટલો જ દિલથી પ્રેમ કરતી હતી,હરમનના લગ્ન જીવનમાં બે વર્ષ પણ થઇ ગયા હતા અને ભગવાને પણ લગ્નના ફળ સ્વરૂપે એક નાની અને પરી જેવી દેખાતી એક સુંદર હસમુખી બાળકી આપી હતી.

            હરમન જયારે ઘરે ના હોય ત્યારે સરોજની પોતાની નાની એવી પરી સાથે સમય પચાર કરતી અને જયારે હરમન રાત્રે કોઈ કટાણે આવે ત્યારે તેની સાથે પોતાનો સમય પચાર કરતી,હરમન જોકે ત્યારે જ ઘરે આવતો જયારે સરોજની નિંદ્રા દેવીના સાનિધ્યમાં આરામ કરી રહી હોય.

           એક દિવસ હરમનને કોઈ ગામમાં રહેતા એક તેના પાપાના દોસ્તનો કપાસ લઈને યાર્ડમાં લઇ જવાનો થયો,કપાસ તો ટ્રકમાં ભરાય ગયો હતો પણ સાથે કોઈ ઘરધણીને પણ આવવું જોઈએ એટલે ઘરમાં કોઈ માણસ નહી હોય એટલે એક પરણિત સ્ત્રી હરમન સાથે આવી,હરમન ગામમાં રહેતો હોવા છતાં તેણે પહેલી વખત તે સ્ત્રીને જોઈ હતી,હરમન જોતાવેજ તેના પર કુરબાન થઇ ગયો,હજી હરમને તે સ્ત્રીનું મુખ જોયું નહોતું છતાં તે તેના પ્રેમમાં પડી ગયો,

            યાર્ડ દુર હતું વળી રસ્તો પણ બહુ લાંબો હતો એટલે પેલી સ્ત્રીએ પોતાના મુખ પરથી લાજ ઉઠાવીને હરમન સામે પહેલી વખત હોવાથી લજ્જાથી વાતો કરવા લાગી,હરમનને તો જે જોયતું હતું તે મળી ગયું હોય તેમ તે પણ પેલી સ્ત્રી સાથે પ્રેમથી વાતો કરવા લાગ્યો.હરમને પેલી સ્ત્રીનું નામ પૂછ્યું તો તેણે પોતાનું નામ “ કોમલ “

            પેલી સ્ત્રીએ કોમલ કહ્યું હોવાથી હરમન મનમાં જ બોલવા લાગ્યો : જેવું નામ છે તેવા જ ગુણ છે અને તેવો જ દેખાવ છે,”જો કે પેલી સ્ત્રી પણ હરમનના નેત્રબાણથી ધાયલ થઇ ગઈ હોય તેમ તે તેને   પસંદ કરવા લાગી હોય તેમ તે પહેલા દુર બેઠી હતી તેની જગ્યાએ તે ધીમે ધીમે હરમનની નજીક બેસવા લાગી,કોમલને પણ હરમનની જેમ એક દીકરી હતી અને તેનો પતિ પણ હરમનની જેમ દારૂનો હેવાયો હતો.

            કોમલ અને હરમનની પહેલી જ મુલાકાત જાણે પ્રેમમાં માટે થઇ હોય તેમ બન્નેએ એકબીજાના પોતાના મોબાઇલ નંબરની આપલે કરી,નંબર આપવાને લીધે હરમન પણ ખુશ થયો અને કોમલ પણ ખુશ થયો,પ્રેમ થતા તો થઇ ગયો પણ પછી ઘરે પેલી સરોજની અને પરી અને ફૂલ જેવી નાની એક બાળકી છે તેનું શું કરવું તેના જ હરમનને મનમાં વિચારો આવવા લાગ્યા,વિચારોમાં વિચારો હરમન યાર્ડમાં પહોચી ગયો અને ત્યાં પેલો બધા કપાસ પણ વેચી નાખ્યો,

            ફરી બન્ને પોત-પોતાના ઘરે આવતા રહ્યા,આ બાજુ ઘરે હરમનને ક્યાય ચેન પડતું નથી જયારે બીજી બાજુ કોમલ પણ હરમનને ઝંખવા લાગી હતી,હરમન હવે પોતાના માટે વિચારવાને બદલે સરોજની અને તેની  દીકરી વિષે જ વિચારવા લાગ્યા કારણ કે હવે હરમનને બન્નેથી અલગ થઇ જવું હતું અને કોમલ સાથે નવો સંચાર સાગર માણવો હતો.

            હરમનને સરોજની  સાથે કઈ રીતે અલગ થવું તેના વિષે ઘણું વિચાર્યું અંતે તેને કોઈ યુક્તિ મળી ગઈ હોય તેમ તે એકલો એકલો હસવા લાગ્યો અને પાસે બેઠેલી સરોજની કહેવા લાગ્યો : “સરોજની હું તને પહેલા બહુ પ્રેમ કરતો હતો પણ હવે હું તને મારાથી મુક્ત કરવા માગું છું,આમપણ તું મારાથી કંટાળી ગઈ છે,અને મને પણ હવે તારી સાથે રહેવું બહુ ગમતું નથી,કારણ કે મારું દિલ જાણતા-અજાણતા કોઈક ચોરી ગયું છે,”

             હરમનને પ્રેમથી વાત કરી એટલે સરોજની કઈ વધુ બોલી નહી પણ તેને દુખ બહુ થયું કારણ કે હરમન ભલે તેને પ્રેમ કરતો નહોતો પણ તેતો તેને ખુબ જ પ્રેમ કરતી હતી,હરમનને સ્વેચ્છાએ કહી દીધું હોવાથી મન મક્કમ કરીને સરોજની પોતાની બાળકી લઈને તેનાથી દુર રહેવા રાજી થઇ ગઈ,

             હરમનને હવે જે કરવું હતું તે થઇ ગયું હતું પણ તે એમ ને એમ સરોજની ખાલી હાથે અલગ થવા દેવા માંગતો નહોતો,આથી તેને હવે ટ્રક ચલાવવામાં કંટાળો આવતો હોવાથી તેણે કોઈને પણ પૂછ્યા વગર પોતાનો ટ્રક વેચી માર્યો અને પોતાના મમ્મી-પાપા પાસેથી પોતાના ભાગની જે જમીન આવતી હતી તે પણ તેણે લઈને તેને પણ તેણે સારી એવી કીમતમાં વેચી નાખી.

            હરમને આ બધું એટલા માટે વેચી નાખ્યું કે તેને વિશ્વાસ હતો કે કોમલ તેને પોતાના ઘરે આશરો આપશે,હરમને જે પણ બધા રૂપિયા આવ્યા તે બધા રૂપિયા પોતાની પત્ની સરોજનીને આપીને તેને જ્યાં પણ રહેવું હોય ત્યાં તે રહેવાની છૂટ આપી દીધી,હરમનને પોતાના બધા રૂપિયા આપી દીધા હોવાથી તે હવે ભિખારી જેવો થઇ ગયો હતો,સરોજની તો તેના પૈસા લેવા માગતી નહોતી પણ હરમને તેને દીકરીના સમ આપ્યા હોવાથી તે પૈસા લઈને હરમનને પગે લાગીને પોતે પોતાની દીકરી સાથે નાના એવા શહેરમાં રહેવા જતી રહી.

             હરમનને  હવે ઘર  ન હોવાથી વળી કોમલે તેને પોતાના ઘરે આવવાનું કહ્યું હોવાથી તે સીધો જ કોમલની ઘરે ગયો.હરમનને આવતો જોઇને પહેલા તો કોમલ હરખાય ગઈ,પછી ખુશી સાથે કહેવા લાગી : “ આવો આવો મારા વાલમ,” વાલમ કહ્યું હોવાથી હરમન ખુશ થઇ ગયો અને ઘરની અંદર આવીને એક ખાટલે બેઠો,કોમલે તેને પાણી ભરીને આપ્યું,હરમનને બહુ તરસ લાગી હોય તેમ તે પાણી એકી સાથે પી ગયો,હવે કઈ કરવાનું થતું નથી એમ માની કોમલ પણ હરમન બેઠો હતો ત્યાં તેની પાસે બેસી ગઈ,અને ધીમેકથી હરમનને કઈક પૂછતી હોય તેમ કહેવા લાગી : “ મેં સાંભળ્યું છે કે તમે તમારી બધી સંપતી વેચી મારી છે અને તેની રોકડી કરી લીધી છે “

         “ હા હા કોમલ મેં મારું બધું જ વેચી માર્યું છે અને હવે હું હમેશ માટે તારી સાથે રહેવા આવી ગયો છે “

            હરમન પોતાની સાથે હમેશ માટે રહેવા આવી ગયો છે તે જાણીને કોમલ બહુ રાજી થઇ પણ પછી કઈક વધુ બોલવું હોય તેમ ફરી કહેવા લાગી : હા એ વાત તો સાચી પણ તમે જે સંપતી વેચી તેમાંથી કઈક મારે માટે કઈક રાખ્યું છે કે નહી એટલે કે મારા માટે કઈ પૈસા રાખ્યા છે કે નહી “

            હરમન કોમલનો આવો પ્રકારનો પ્રશ્ન સાંભળી બહુ નવાઈ લાગી વળી તેની પાસે તેનો કઈ જવાબ ન હોય તેમ તે શાંતિથી બેસી ગયો,કઈ બોલ્યો નહી એટલે કોમલે ફરી કહ્યું :” મેં પ્રશ્ન પૂછ્યું તેનો તમે કઈ જવાબ આપ્યો નહી કેમ તમે શાંતિથી બેસી ગયા છે,મને જવાબ તો આપો “

            હવે જવાબ આપવા સિવાય ઉદ્ધાર નથી એમ માનીને હરમનને કઈ જવાબ દેવો નહોતો છતાં તે કહેવા લાગ્યો :” મેં મારી તમામ સંપતી મારી પત્નીને આપી દીધી છે કોમલ,મેં તારા માટે એક ફૂટી કોડિય રાખી નથી,આટલું બોલીને હરમન નીચું મોઢું કરી ગયો.

            હરમનનો જવાબ સાંભળી કોમલ ખુશ થવાને બદલે ક્રોધિત થઇ હોય તેમ કહેવા લાગી : “તમે અત્યારેને અત્યારે મારા ઘરેથી જતા રહ્યા,એક તો અમારે ખાવાના પણ ફાફા પડે છે તેમાં હું તમને કઈ રીતે ખવડાવું દાવું, મને એમ હતું કે તમે આવશો તો એકલા રહેવા નહી આવો પણ સાથે તમારી થોડીક સંપતી પણ લેતા આવશો પણ તમે તો સાવ ભિખારી થઈને આવતા રહ્યા,હું તમને ફોનમાં પણ એટલે જ વારંવાર કહેતી હતી કે તમે મારા માટે થોડીક સંપતી રાખી હશે પણ અત્યારે ખબર પડી કે તમે તો સાવ પાયમાલ થઇ ગયા છે,ચાલો હવે તમારે જ્યાં રહેવું હોય ત્યાં જાવ,હું તમારા જેવા ભિખારીને મારા ઘરમાં રાખી શકું નહી “

           કોમલની આવી તીખાસભરી વાણી સાંભળી પહેલા તો હરમન દધાય ગયો પણ પછી તેને ખ્યાલ આવી ગયો કે કોમલ મને નહી પણ મારી સંપતીને પ્રેમ કરતી હતી તેને હું નહી મારી સંપતી જોઈતી હતી,એટલે જ તે મને તેના ઘરે બોલાવતી હતી પણ હવે મારી પાસે કઈ નથી એટલે તે મને તેના ધરમાંથી બહાર કાઢી મુકે છે,કોઇપણ વધુ દલીલ કરવાને બદલે હરમન કોમલને “ વાહ તારો પ્રેમ કોમલ,વાહ તારો પ્રેમ કોમલ “ આટલું વાક્ય બે વાર બોલીને હરમન વિલામોએ ઘરની બહાર નીકળી ગયો હતો,

           હવે સાંજનો સમય પણ થઇ ગયો હતો,વળી હરમનને દારૂ સિવાય ચાલે એમ નહોતું એટલે તે એક દારૂના અડ્ડામાં જઈને જેમફાવે તેમ મર્યાદાવગરનો દારૂ પીવા લાગ્યો,તેણે આટલો બધો દારૂ એકીસાથે શા માટે પી રહ્યો હતો તેને પણ ખ્યાલ નહોતો,કદાચ તેને કોમલે આપેલા દગાથી તે વધુ દારૂ પીતો હતો કે પછી સરોજની સાથે અલગ થયો તે દુખે વધુ દારૂ પીતો હતો તે કહેવું મુશ્કેલ હતું,એકી સાથે વધુ દારૂ પીવાથી અચાનક શરીરમાં કોઈ ઝટકો આવ્યો હોય તેમ હરમન જમીન પર ઢળી પડ્યો,જમીન પર ઢળી પડતા જ તેને બેભાન થઇ ગયો કે પછી મૃત્યુ પામ્યો તેતો ભગવાન જાણે.......

       >>>>> BE HAPPY YAR <<<<<

“ ડોગ કિલર “

         

સમાચાર પત્રમાં લોકો રોજ રોજ બળાત્કાર. ભ્રષ્ટાચાર, ખૂન અપહરણ વિષે વાચતા હોય છે,

આવી બાબતો લોકો માટે સામાન્ય હતી.એવું એક પણ સમાચાર પત્ર નહી હોય જેમાં આ ચાર બાબતોમાંથી

એક બાબતોનો સમાવેશ ન થયો.

લોકો માટે આ બાબતો વિષે કઈ નવું નહોતું પણ હમણાં હમણાં જે સમાચાર છપાતા તેનાથી

લોકો બહુ નવાઈ પામતા તથા ખેદ પણ અનુભવતા કારણ કે હવે સમાચાર પત્રોમાં એક નવી જ બાબતોનો

ઉમેરો થયો હતો.તે નવી બાબત અને સમાચાર એટલે “ કૂતરાની હત્યા “દરોજ સમાચાર પત્રમાં ચાર-પાચ

કૂતરાની હત્યા થઇ હોય તેવા અહેવાલ પ્રગટ થતા.

તેમાં પણ કૂતરાની હત્યા કોઈ પથ્થર.લાકડી કે દવાથી કરવામાં નહી આવતી પણ તેના પર

એસીડ છાંટીને, તેના મોઠાને ક્રૂરતાપૂર્વક ,અત્યત ધ્રુણાસ્પદ કહી શકાય તે રીતે તેની હત્યા કરવામાં આવતી.

શહેરના લોકો માટે કૂતરાની હત્યાનો વિષય ખુબ જ ચર્ચાસ્પદ બન્યો હતો,લોકો એમ પણ કહેવા

લાગ્યા હતા કે લોકો લોકોની હત્યા કરે છે તેતો સામાન્ય છે પણ હવે લોકો પ્રાણીઓ-પશુઓની પણ હત્યા

કરવા લાગ્યા છે.કોણ હશે આ રાક્ષસ જે મૂંગા પ્રાણીઓને કારણ વગર ક્રૂરતાપૂર્વક હત્યા કરી રહ્યો છે, ખરેખર

જો આ કૂતરાની હત્યા કરનાર પકડાય જાય તો તેને આકરામાં આકરી સજા કરવી જોઈએ નહી તો ફાસીએ

લટકાવી દેવો જોઈએ.

એક દિવસ થયો,બે દિવસ થયા, ત્રણ દિવસ થયા, પણ કૂતરાની હત્યા થવાનો ચીલાચાલુ હજુ

શમ્યો નહોતો,દરોજ ટીવી પર અને સમાચાર પત્રમાં નવથી દસ કૂતરાની હત્યા થવાના સમાચાર પ્રગટ

થતા,તે હત્યારો પણ એટલો બધો ચાલાક હતો કે તે રાત્રીના બે ત્રણ વાગ્યાના સમય પર કુતરા જ્યાં

શાંતિથી ઊંઘનો આનંદ લુટી રહ્યા હોય ત્યાં જઈને સીધો જ તેના પર એસીડનો છટકાવ કરતો,એસીડ શરીર

પર પડવાથી કુતરાના નીંદરમાં નીંદરમાં રામ રમી જતા,હત્યારો કૂતરાની હત્યા કરવા રાત્ર એટલે પસંદ

કરતો કે તે સમય કોઈ જાગતું ના હોય વળી પોતે પણ કોઈની નજરમાં ના આવે અને વળી કુતરા પણ

તેવા સમયમાં સુઈ ગયા હોય એટલે તે હત્યાના ગુનામાં પકડાય પણ નહી અને કુતરાનું ખુન પણ થઇ

જાય.


શહેરના સામાન્ય લોકો માટે કૂતરાની બહેરમીપૂર્વક હત્યા થવી ખુબ જ દુખદ ધટના હતી .કુતરા

પર બધાને દયા જરૂર આવતી પણ હત્યારો ઝડપથી પકડાય તેવા કોઈ વિચાર કરતું નહી,સમાજમાં જેમ

બધા પ્રકારના પ્રેમી રહેતા હોય તેમ કેટલાય કુતરા-પશુ પ્રેમી પણ હતા,કૂતરાની હત્યા થવી તેના માટે

ખુબજ ખરાબ અને સમાજ માટે કલંકરૂપ હોય તેમ લાગતું.કૂતરાની દરોજ હત્યા થતી હોવાથી બધા પશુપ્રેમી

લોકોની આંખો જે સફેદ અને વાદળી હોય તે હવે લાલ જેવી થઇ ગઈ હતી.

બધાય પશુપ્રેમીએ કૂતરાની હત્યા કરનાર જ્યાંસુધી ના પકડાય ત્યાંસુધી ઉપવાસ આંદોલન

કરવાનું પોલીસને જણાવ્યું અને અજાણ્યા હત્યારા વિરુધ હત્યાનો કેશ પણ કર્યો,પોલીસ માટે પણ આ કેસ

ખુબજ વિચિત્ર અને નવો જ હતો કારણ કે તેની પાસે મોટે ભાગે ચોરી, ખૂન, લુટ ,અપહરણ .બળાત્કાર.

છેડતી. છેતરપીંડી જેવી ફરિયાદો આવતી જયારે કુતરાના હત્યારાને પકડવાની ફરિયાદ પહેલી વખત આવી

અને તે પણ ખુબ દબાણ સાથે,

પોલીસ લોકોને દરેક કામમાં ગોકળગાયની ગતિએ કામ કરવાનું વધુ ગમતું હોય છે પણ

કૂતરાની નિર્દયતાપૂર્વક હત્યા કરનાર પ્રત્યે લોકોનો ગુસ્સો અને નફરત બહુ વધી ગઈ હોવાથી પોલીસ પણ

હત્યારાને પકડવા ઝડપથી કાર્યવાહી કરવા લાગી હતી.

પોલીસને એટલી તો ખબર હતી કે હત્યારો રાત્રીના સમયમાં જ કૂતરાની હત્યા વધુ કરે છે

આથી પોલીસે ગુપ્તવેશે હત્યારાને પકડવા પુરા શહેરમાં પેટ્રોલિંગ શરુ કર્યું,એક દિવસ,બે દિવસ ,ત્રણ દિવસ

પોલીસ હત્યારાને શોધવા નિષ્ફળ જઈ રહી હતી તથા સમાચાર પત્રમાં કૂતરાની હત્યા થવાનો ચીલોચાલો

હજી ચાલુ જ છે અને વરસાદની જેમ અટકવાનું નામ જ નથી લેતો તેવા સમાચાર હેડલાઈનમાં છાપી રહી

હતી.

પોલીસની નિષ્ફળતાથી લોકો પણ બહુ રોષે ભરાયા કે વાત જ ના પૂછો,સતત ત્રણ દિવસ

પોલીસ હત્યારાને પકડવામાં નિષ્ફળ ગઈ હોવાથી બધા પશુપ્રેમીઓ શહેરના દરેક રસ્તા પર ઉપવાસ

અંદોલન કરવા બેસી ગયા,

બીજી બાજુ પોલીસને પણ પોતાની નિષ્ફળતા પર ગુસ્સો આવી રહ્યો હતો અને ઉપરથી

કુતરાને હત્યાને ઝડપથી પકડવા દબાણ આવી રહ્યું હતું.પોલીસ માટે જ્યાં સુધી હત્યારો ના પકડાય ત્યાં

સુધી સૂડી વચ્ચે ચોપારી જેવી સ્થિતિ હતી,એકબાજુ પશુ પ્રેમીનો રોષ હતો તો બીજીબાજી ઉપરી અધિકારીનું

દબાણ હતું.

બધા પોલીસો હત્યારો ઝડપથી પકડાય તેવી જ ભગવાનને પ્રાથના કરવા લાગ્યા હતા,આજે

પોલીસનો ગુપ્તવેશ કરવાનો અને પેટ્રોલીગ કરવાનો ચોથો દિવસ હતો,બધા પોલીસો કુતરાના હત્યારાને

પકડવા શહેરના દરેક ખૂણે-ખાચરે ગોઠવાય ગયા હતા,

બધા પોલીસ લોકો રાત્રે પણ ભગવાનને એક જ પ્રાથના કરવા લાગ્યા હતા કે હે ભગવાન તું

હત્યારાને ઝડપથી અમારી પાસે મોકલ એટલે અમે તેને પકડી લઈએ તથા બધા લોકોનો ગુસ્સો પણ શાંત

કરી શકીએ કારણ કે અત્યારે રાત્રીના બે વાગ્યા હોવા છતાં અંધકાર કોઈ દેખાતું નથી તો અમે હત્યારાને કઈ

રીતે પકડી શકીએ.

ખરેખર દિલથી કરેલી પ્રાથના હમેશ માટે ફળતી જ હોય છે પછી તે વહેલી ફળે કે મોડી

ફળે.પોલીસોએ ભગવાનને દિલથી પાર્થના કરી હોય તેમ આવા સમયે કોઈ એક અનજાન વ્યક્તિ હાથ

કોઈક પાણીની કે બીજી કોઈ બોટલ લઈને રસ્તા પર ધીમે ધીમે ચાલ્યો આવતો હતો.તે અનજાન વ્યક્તિના

કપડા પણ લધર-વઘર અને ચીથરેહાલ હતા,તથા વાળ પણ અડધા ઓરયેલા અને અડધા વિખાયેલા

હતા,બધા પોલીસ લોકો આ અનજાન વ્યક્તિને એકીટશે જોઈ રહ્યા હતા,આજ પાગલ જેવો લાગતો વ્યક્તિ

કૂતરાનો હત્યારો હશે તેવું અનુમાન લગાડવું યોગ્ય નથી એટલે તે શું કરે છે તે જાણવા બધા પોલીસ લોકો

તેના પર બાજનજર રાખવા લાગ્યા.

અનજાન વ્યક્તિએ ધીમે ધીમે ચાલતા ચાલતા જ્યાં કુતરાઓ તેના મિત્રો અને બાળકો સાથે

કે કુટુંબ સાથે શાંતિથી એક ખૂણામાં આરામ કરી રહ્યા હતા તે બાજુ જાય છે,પછી તે અનજાન વ્યક્તિ

આજુબાજુ ફરતી પોતાની નજર ફેરવી પોતાની પાસે રહેલી બોટલનું ઢાકણ ખોલીને જેવું તે કુતરા પર

નાખવા જાય છે ત્યાં જ બે ત્રણ પોલીસ લોકો પાછળથી તેને રંગેહાથે પકડી લે છે તથા લોકો તથા ઉપરી

અધિકારોએ જે ગુસ્સો તેના પર ઠાલવ્યો હતો તે ગુસ્સો પોલીસ લોકો હત્યારા પર ઠાલવે છે,હત્યારાને

મેથીપાક ચખાડી પછી સીધો જ તેને લોકઅપ પૂરી દીધો.

હત્યારો પકડાય ગયો હોવાથી પોલીસોએ પણ રાહતનો શ્વાસ લીધો તથા સવાર થતા બધાને

જાહેર કરવામાં આવ્યું કે હત્યારો પકડાય ગયો છે “ હત્યારો પકડાય ગયો છે એ વાત જાણી બધા લોકો ખુશ

થઇ ગયા અને પોલીસ લોકોને પણ ધન્યવાદ અને શાબાસી આપી અને જે ઉપવાસ આંદોલન કર્યા હતા તે

પણ સકેલી લીધા


હવે બધા લોકોને હત્યારો કોણ હશે અને તેણે શા માટે આટલા બધા કૂતરાની હત્યા કરી હશે

તે જાણવાની બધા લોકોને ઉત્સુકતા હતી., આથી બધા પશુપ્રેમી લોકોનો ધસારો પોલીસ ચોકીએ એકઠો

થયો.પણ પોલીસને હત્યારાને કોર્ટમાં હાજર કરવાનો હોવાથી ખુબ જ સાવધાની અને સુરક્ષિત રીતે કોર્ટમાં

લઇ ગયા અને ત્યાં હાજર કર્યો.

જે ગુનેગાર જ્યાર પકડાય છે ત્યારે સમાજથી બચવા કે પછી પોતાની થોડીઘણી આબરૂ

બચાવવા પોતાનો ચહેરો ઢાકી દેતા હોય છે,આ નિયમ બધા ગુનેગાર માટે વારસાગત હોવાથી આ

હત્યારાએ પણ પોતાનો ચહેરો ઢાકી દીધો હતો અને લોકોને પોતાના દર્શન દેવામાં નાપાસ કર્યા હતા,બધા

પશુપ્રેમીઓને તે હત્યારાને જોવા હતો આથી તે પણ વકીલ અને જજની જેમ કોર્ટમાં હાજર થયા અને જ્યાં

સામાન્ય લોકોને બેસવાની જગ્યા હતી ત્યાં બેસી ગયા .

ધીમે ધીમે કોર્ટમાં હત્યારાની કાર્યવાહી ચાલુ થઇ રહી હતી,જજ પણ પોતાના સ્થાન પર

આવી જઈને ગોઠવાય ગયા હતા,તથા ગુનેગાર પોતાનો ગુનો કબુલ કરે છે કે નહી અને તેણે શા માટે

આટલા બધા કુતરાના ખૂન કર્યા તે જાણવા ઉપસ્થિત બધા બેચેન હતા,વકીલો વચ્ચે દલીલબાજી થવાની

કોઈ શક્યતા નહોતી આથી કોર્ટના નિયમ પ્રમાણે એક વ્યક્તિ હાથમાં શ્રીમદ્ ભાગવત ગીતા લઈને

કઠેડામાં પુરાયેલા ગુનેગારને કહેવા લાગ્યો : તું આ પવિત્ર ગીતા પર હાથ રાખીને હું જેમ બોલું તેમ બોલ.હું

જે પણ બોલીશ તે બધું સત્ય બોલીશ અને સત્ય સિવાય બીજું કઈ પણ નહિ બોલું,ગુનેગાર પણ જેમ વ્યક્તિ

બોલતો ગયો તેમ બોલતો ગયો.

શ્રીમદ્ ભાગવત ગીતા જેવા ધર્મ પુસ્તકનો કોર્ટમાં જેટલું અપમાન થતું હશે તેટલું બીજે ક્યાય

થતું નહી કારણ કે ગીતા પર હાથ રાખીને બોલેલા શબ્દો સત્ય જ બોલે છે કે અસત્ય તે કોઈ જાણતું

નથી.અસત્ય બોલે છે તે તો વિશ્વાસથી આપણે કહી શકીએ છીએ પણ સત્ય જ બોલે છે તેવું વિશ્વાસથી કોણ

કહી શકે.કોર્ટ એટલે ધાર્મિક પુસ્તકનું અપમાન કરનાર અને સાચ કે ખોટા લોકોને રજા કે સજા આપવાનું

સ્થળ.

જજે બે વખત ઓડર ઓડર કરીને ગુનેગારને પૂછવા લાગ્યા ; તમે તમારો ગુનો કબુલ કરો

હત્યારાને જાણે કઈજ ખોટું કર્યું ના હોય તેમ તે સ્વસ્થતાપૂર્વક જવાબ આપવા લાગ્યો : હા મેં

જ બધા કુતરાનું ખૂન કર્યું છે “



બીજો સવાલ તમે કેટલા કૂતરાની હત્યા કરી હશે અને શા માટે કરી એ પણ ક્રૂરતાપૂર્વક, તેણે

તો તમારું કંઈપણ બગાડ્યું નહી હોય તો પણ “જજ બીજો સવાલ પૂછવા લાગ્યા

“ જજ સાહેબ .મેં લગભગ બચ્ચો કે ત્રણસો કુતરાને પૃથ્વી પરથી વિદાય કરીને મુક્તિ

આપી હશે,હત્યારે શૂરવીરતાનું કાર્ય કર્યું હોય તેમ જજ સાહેબ સામે કોઈપણ શરમ રાખ્યા વગર દિલધડક

કહેવા લાગ્યો.

પણ શા માટે અને એણે તારું શું બગાડ્યું છે તે જજના પ્રશ્નનો જવાબ આપવામાં ગુનેગાર ઉડા

ગમમાં પડી ગયો હોય તેવું વર્તન કરવા લાગ્યો.

“ બસ્સો-ત્રણસો કૂતરાની હત્યા કરી છે એ જાણીને કોર્ટના બાકડા પર બેઠેલા બધા લોકોના

મો માંથી “ ઓહ ઓહ ” ના ઉદગારો સરી પડ્યા.અને એકબીજાને કહેવા લાગ્યા : આ માણસ નથી પણ

શીંગડા વગરનો સાક્ષાત રાક્ષસ છે.તમે તેનો દેખાવ જોઇને જ અનુમાન લગાવી શકો કે આ રાક્ષસ જ છે,

કોર્ટમાં હત્યારો વિષે જોરજોરથી કલબલાટ થવા લાગ્યો,એટલા બધા અવાજો થવા લાગ્યા કે

કોણ શું બોલે છે તેજ કઈ સમજાતું નહોતું.એટલો બધો શોરબકોર અને તીવ્ર અવાજો થવા લાગ્યા હતા કે

સામાન્ય માણસને માઠામાં દુખતું ના હોય તો પણ દુખવા લાગે,અવાજો કરતા કરતા બધા હત્યારા પર થું થું

કરવા લાગ્યા.

જજ લગભગ બે વખત જ ઓડર ઓડર કરે એટલે બધા લોકો શાંત થઇ જતા હોય છે પણ

આજ દસ બાર વખત ઓડર ઓડર કર્યો ત્યારે લોકો અંદરોઅંદર ગપસપ કરતા બંધ થયા.

કઠેડામાં ઉભેલો ગુનેગારને નવો ઉત્સાહ આવ્યો હોય તેમ કહેવા લાગ્યો. તમારે જાણવું છે ને મેં શા

માટે આટલા બધા કૂતરાની હત્યા કરી તથા તેણે શું મારું બગાડયું છે, તો તમે બધા મારી વાત ધ્યાનથી

અને શાંતિથી સાંભળો.

હું કોલેજમાં ભણતો ત્યારની આ વાત છે,હું ભણવામાં હોશિયાર હતો,પણ દેખાવ કઈક ખાસ

કહેવાય તેવો નહોતો એટલે કે હું દેખાવમાં કદરૂપો હતો,પણ મારું હદયમાં સદાય કોઈના માટે પ્રેમ માટે

ઝખ્તું,હું સતત કોઈકનો પ્રેમ ઝખતો પણ કોઈ મને પ્રેમ કરવા તૈયાર નહોતું,પણ એક દિવસ અચાનક

કોલેજમાં સૌથી સુંદર કહી શકાય,પૃથ્વી પરની અપ્સરા કહી શકાય તેવી એક યુવતીએ કોલેજના કોઈ બીજા

યુવકને નહી પણ મને પ્રેમનો પ્રસ્તાવ મુક્યો.


ભાવતું હતું અને વૈધે કહ્યું તેમ,જોયતું હતું અને આસાનીથી મળી ગયું હોય તેમ મેં પણ તેના

પ્રેમનો સહર્ષ સ્વીકાર કર્યો,તે મારા પ્રેમમાં શા માટે પડી તેજ મારા માટે મોટો પ્રશ્ન હતો પણ જે હોય તે એમ

માની હું તેને ખુબજ પ્રેમ કરવા લાગ્યો,તે પણ મને ખુબજ પ્રેમ કરવા લાગી,અમે બન્ને પ્રેમમાં એકબીજામાં

ઓતપ્રોત થઇ ગયા હોવાથી અમે બન્ને પોતપોતાના મોબાઇલ નંબરની આપલે કરી,

તે અભ્યાસ કરવામાં નબળી હોવાથી તેને આગળના વર્ષમાં પ્રવેશ મળ્યો નહી આથી તેણે

કોલેજ છોડી દીધી અને બીજા શહેરમાં પ્રવેશ મળી જશે એમ માની બીજા શહેરમાં રહેવા જતી રહી,તે બીજા

શહેરમાં જતી રહી હોવા છતાં અમારા વચ્ચેનો પ્રેમ અકબંધ હતો.અમે દરોજ ફોન પર રાત્રે ત્રણ ચાર કલાક

તો વાતો કરતા જ.

તેણે કોલેજ છોડી તેના બે વર્ષ થવા આવ્યા હતા એટલે એકદિવસ અમને બન્નેને એકબીજાને

મળવાની ત્રીવ્ર ઈચ્છા થઇ આવી,હું તેને મળવા તેના શહેરમાં ગયો,અમે બન્ને એક જાહેર બગીચાના બાકડા

પર હાથમાં હાથ પરોવી અનિમેષ નયને એકબીજાને જોઈ રહ્યા હતા,બોલવાનું કઈ મન જ ના થતું હોય તેમ

અમે બન્ને એકબીજાને જોઇને પ્રેમનું અમૃત પી રહ્યા હતા,તે પણ મારી જેમ પ્રેમના અમૃતનું રસપાન કરી

રહ્યી હતી.

અમે બન્ને કલાક કે વધુ સમય શાંત બેઠા હશું ત્યાં એક દુરથી હાફ્તું અને દોડતું આવતું કુતરું,જે

દીપડા જેવું લાગતું હતું તે મારી જાનુંને સિહની જેમ તરાપ મારીને ચોટી ગયું અને તેને જેમ ફાવે તેમ

કરડવા અને બટકા ફરવા લાગ્યું.અમારા બન્નેનો શાંત પ્રણયને કુતરાએ અચાનક ભંગ કર્યો હોવાથી હું તો

સ્તબ્ધ થઇ ગયો,મારી જાનુંની ખરાબ હાલત જોઇને મને કુતરા પર બહુ ગુસ્સો આવ્યો આથી હું મારી જાનુંને

કુતરાના ઝપટમાંથી છોડાવવા ધણા પ્રયત્ન કર્યા એટલે અંતે મને સફળતા મળી.

પણ ત્યાં સુધીમાં મારું જાનુનું શરીર લોહીથી પૂરેપૂરું ભીની થઇ ગયું હતું અને ધોવાય રહ્યું હતું

એટલે તે ત્યાં જ બેભાન થઈને ઠળી પડી,હું તેને બેભાન જોઇને હતપ્રભ થઇ ગયો હોવાથી ઝડપથી

એમ્બ્યુલન્સ બોલાવી,એમ્બ્યુલન્સના ડોકટરોએ તપાસ કરીને મને કહ્યું કે : આ યુવતી બેભાન નથી થઇ પણ

મૃત્યુ પામી છે,તે કુતરું સમાન્ય નહોતું પણ હડકવાનું શિકાર બનેલું હતું,સામાન્ય કુતરું કરડે તો માણસનું

મૃત્યુ ના થાય પણ જો હડકાયું કુતરું માણસને કરડે માણસ જરૂર મૃત્યુ થઇ શકે છે,

મારી જાનું મને એકલો મુકીને જ અનંતયાત્રાએ ચાલી ગઈ હોવાથી હું ખુબ જ દુખી અને

વ્યથિત થઇ ગયો,મારા પગ નીચેની ધરતી જાણે હાલક-ડોલક થઇ રહી હોય તેવો મને અનુભવ થવા



લાગ્યો,મારી જાનું મૃત્યુ પામી છે અને મને એકલો મુકીને જતી રહી છે એ વાત માનવા હું તૈયાર જ

નહોતો,હું જોર જોરથી રડવા લાગ્યો,હું મારી જાનું વગર એક ક્ષણ પણ જીવવા માંગતો નહોતો,મને એકલું

એકલું લાગતું હોવાથી મેં ત્રણ વખત મરવાના ( આત્મહત્યા ) પ્રયત્ન કર્યા પણ હું સફળ ના થયો,

હું મૃત્યુ ના પામ્યો એટલે મેં નક્કી કર્યું કે હું તો ના મૃત્યુ પામ્યો પણ કુતરાને જરૂર મૃત્યુ

આપીશ અને મારી જાનુંના મૃત્યુનો બદલો વાળીશ,મારી જાનુંના મૃત્યુનો બદલો લેવાનો હોવાથી હું દરોજ

માટે ચાર-પાચ કુતરાને ધરતી પરથી એસીડ ચાટીને મુક્તિ આપતો ગયો,કુતરાને ધરતી પરથી મુક્તિ

અપાવવી એજ મારા જીવનનો નિયમ બની ગયો હતો,આટલું બોલીને હત્યારો જોરજોરથી પાગલની જેમ

હસવા લાગ્યો,

લોકોને હત્યારા પર જે ક્રોધ,ગુસ્સો હતા તે આ વાત જાણીને થોડોક શાંત થયો,પણ તેણે એક બે

નહી પણ અનેક કૂતરાની હત્યા કરી હોવાથી તેને સજા તો થવી જ જોઈએ એવું બધા માનવા લાગ્યા,

જજે બધું સાંભળી આખરી ચુકાદો આપતા હોય તેમ કહેવા લાગ્યા : “આ ગુનેગારે એક,બે હત્યા

કરી હોત તો હું માફ કરી આપું પણ તેણે તો ધણા કૂતરાની હત્યા કરી હોવાથી આ ગુનેગારને અત્યારે જ

ફાંસીના માંચડે લટકાવી દો કારણ કે ‘ પાપી લોકોને બની શકે તેટલી ઝડપથી નિકાલ અને નાશ કરવો

જોઈએ “

જજનો ચુકાદો સાંભળી પોલીસ લોકો પણ ઝડપથી ગુનેગારને ફાંસીના માંચડે લઇ,બધા

પશુપ્રેમીની ઉપસ્થિતિમાં,જજ-વકીલની ઉપસ્થિતિમાં ચહેરા પર કાળું કપડું વીટાળીને,ગળા પર ગાળિયો

નાખીને નીચેનો દરવાજો ખોલીને લટકાવી દીધો,

દસ,પંદર મિનીટ થઇ હશે ત્યાં તો હત્યારાનું પ્રાણ-પંખેરું ઉડી ગયું હોય તેમ તેનું શરીર

નિર્જીવ થઇ ગયું હોય તેમ તે મૂર્તિ જેવું જડ બની ગયું.ઉપસ્થિત બધા લોકો ફરી અંદરોઅંદર વાતો કરવા

લાગ્યા કે : “ ધણા બધા સીરીયલ કિલર વિષે સાંભળ્યું છે પણ દુનિયામાં આવા ડોગ કિલર પણ હોય છે તેવું

પહેલી વાર જાણ્યું છે,

BE HAPPY YAAR

મારા વિચારો,

" ગામડામાં તો દરેક વ્યક્તિ સારો અને દાતાર જ લાગે સાહેબ પણ જયારે તે શહેરમાં રહેવા જાય ત્યારે તેની સાચી ઓળખાણ થાય,,,,,,,,,,,,,,,,




be happy yaar

મારા વિચારો,

" બધા લોકોને ખબર છે કે જેવું કરો તેવું ભરવાનું રહેશે.સારું કરો તો સારું અને ખરાબ કરો તો ખરાબ છતાં લોકો તેના પર વિશ્વાસ ન હોય તેમ દિન-પ્રતિદિન સારું કરવાને બદલે ખરાબ જ કરતા રહે છે,એમ લાગે છે કે માણસ અત્યારે ભગવાન કરતા પણ શક્તિશાળી અને બુદ્ધિશાળી થઇ ગયો છે...


" પાપની કમાણી નરકમાં અને હોસ્પિટલમાં સમાણી " હાહાહ


be happy yaar

મારા વિચારો,

" અમુક જગ્યાએ નોકરી કરીએ ત્યારે એમ લાગે કે હજી અંગ્રેજોએ આપણને ગુલામ બનાવી રાખ્યા છે,અને અમુક જગ્યાએ નોકરી કરીએ ત્યારે એમ લાગે કે ગાંધીજીનું સ્વત્રંત્ર ભારતનું સપનું ધીમે ધીમે પૂરું થઇ રહ્યું છે અને જયારે અમુક જગ્યાએ નોકરી કરીએ ત્યારે એમ લાગે કે ભારત ખરેખર હવે સ્વત્રંત્ર થઇ ગયું છે "




be happy yaar

મારા વિચારો,

" જેમ કોઈના મૃત્યુ પાછળ શોક કરવાથી તેના આત્માને અથવા શોક કરનારની આત્માને શાંતિ મળે છે તેમ કોઈના જન્મદિવસ પર જન્મદિવસની શુભેચ્છા આપવાથી જન્મદિવસ જેનો હોય તેના આત્માને શાંતિ અને કાળજે ઠંડક પહોચે છે" હહાહા


be happy yaar

મારા વિચારો,

" ધરમાં જેવું કામ ઉંદરનું છે તેવું જ કામ દેશમાં રહેલા રાજકારણી નું છે "




be happy yaar

મારા વિચારો,

" સારું લખવા કરતા ખરાબ અને કટાક્ષવાળું લખો તે વધુ લોકોના મગજમાં અસર કરે છે.કારણ કે નહિતર દુનિયામાં ગીતા.કુરાન.રામાયણ, બાઈબલ જેવા મહાન.પવિત્ર અને સારા ગ્રંથો લખાયા છે અને લોકો તેને પોતાની ઘરે પણ રાખે છે અને સવાર-સાંજ તેની પૂજા પણ કરે છે છતાં હજી દુનિયામાં ક્યાય રામરાજ્યનું ઠેકાણું દેખાતું નથી.હા રાવણરાજનું ઠેકાણુ ધણી જગ્યાએ જોવા મળે છે તે વાત અલગ છે"


be happy yaar

“ નફફટ છોકરી “

                કેતન નામનો એક મસ્તીખોર અને દેખાવડો યુવાન હતો,તેને ભણવામાં રસ ન હોવાથી તેણે એક શહેરમાં નાની એવી એક ઇલેક્ટ્રિકની દુકાન કરી હતી,કેતનના ઘરમાં અને દુનિયામાં પોતાના સગાસંબંધીઓ કહી શકાય તો તેવા તેના એક મમ્મી અને એક બહેન હતા.

              બાળપણથી જ કેતનના પાપા મૃત્યુ પામ્યા હતા,આથી કેતનને અને તેની બહેનને તેની મમ્મીએ જ પાપાની ખોટ ના વર્તાય તે માટે બેવડી જવાબદારી નિભાવીને મોટા કર્યા હતા.પૈસે ટકે સુખી હોવાથી કેતન અને તેની મમ્મી તથા બહેન બધા મસ્ત રીતે સુખી જિંદગી જીવતા હતા.

             કેતનનો સ્વભાવ જોઈએ તો તે બહુ મસ્ત,હસમુખો અને મળતાવડા હતો,કોઇપણ વ્યક્તિ એક વખત કેતનના સંપર્કમાં આવી જાય તો કેતન અજાણતા તો પેલા વ્યક્તિ પર પોતાની છાપ પાડી દેતો,કેતનને રહેવાનું બીજી જગ્યાએ હતું જયારે તેની દુકાન હતી બીજી જગ્યા પર,બન્ને અલગ અલગ હોવાથી કેતન દરોજ સવારે ટુવ્હીલર લઈને દુકાને જતો અને સાંજે ફરી ટુવ્હીલર લઈને પોતાના ઘરે આવતો રહેતો,

             કેતનને જમવાનું બીજે ક્યાય ભાવતું નહોતું એટલે કેતનના મમ્મી નીરુપાબેન પોતાન દીકરો ભૂખ્યો ના રહે તે માટે સવારે જયારે કેતન દુકાન જતો ત્યારે તેના હાથમાં ટીફીન આપી દેતા,અને ટીફીન આપતા આપતા સાથે દરોજ એકની એક સલાહ આપતા :”
               “ બેટા, છોકરીઓમાં ક્યારેય પડતો નહી,જો તું તેના પ્રેમમાં પડવાની કોશીસ કરીશ તો ક્યારેક તારે ડેમમાં પડવાનો વારો પણ આવશે,અને ક્યારેય કોઈ અજાણી છોકરી પર વિશ્વાસ કરવો નહી,છોકરીઓને હમેશા પોલીસની જેમ દુરથી રામ રામ કહી દેવા સમજ્યો “

             કેતન પણ પોતાની મમ્મીની વાત શાંતિથી સાંભળતો અને મમ્મીની દરોજની સલાહ મસ્તક પર ચડાવી દુકાને જતો.કેતનનો સ્વભાવ સારો હોવાથી તેની દુકાન પણ બહુ જોરદાર ચાલતી.કેતન ક્યારેય કોઈ ગ્રાહકને છેતરવાનું કરતો નહી તથા દુકાનમાં જે પણ માગણ કે ભિખારી ભીખ માગવા આવે તેને ક્યારેય નિરાશ કરતો નહી.

            પોતાનો દીકરો સ્થિર થઇ ગયો છે એમ જાણીને નીરુપાબેન પણ અંદર અંદરથી બહુ ખુસ થતા,નીરુપબેને ક્યારેય પોતાના પુત્ર કે પુત્રી પર કોઈ જાતનું દબાણ રાખતા નહી,તેને જેટલા રૂપિયા જોઈતા હોય તેટલા રૂપિયા વાપરવા આપતા પણ ખોટી જગ્યાએ વાપરવાની સખ્ત મનાઈ કરતા.

              કેતનનો સ્વભાવ જેવો સારો હતો તેવો તે જીવવામાં પણ સારો હતો કારણ કે બધા યુવાનોને અત્યારે કોઈને કોઈકનું વ્યસન હોય જયારે કેતન તો બધા વ્યસનથી લાખ અંતરે દુર હતો.કેતન પોતાની દુકાને જે પણ કમાણી કરતો તે કમાણીના બધા રૂપિયા કેતન ક્યારેક પોતાના મમ્મીને આપી દેતો તો ક્યારેક તે બેંકમાં જમા કરાવી દેતો,અથવા બહેન જે હોસ્ટેલમાં ભણતી હતી તેને જો રૂપિયાની જરૂર પડતી તો ક્યારેક કેતન કમાણીના રૂપિયા તેને પણ મોકલાવતો.

              કોઈને કઈ વાંધો ના હોવાથી કેતન,તેના મમ્મી અને બહેન ભગવાનની કૃપાથી પૃથ્વી પર જાણે સ્વર્ગના સુખો ભોગવી રહ્યા હોય તેવો તેમને અહેસાસ અને અનુભવ થતો.આમ સુખમાં ને સુખમાં કેતન પોતાના નાના એવા કુટુંબ સાથે મસ્તીનો કહી શકાય તેવો સમય પચાર કરી રહ્યો હતો,પણ કહેવાય છે,સમય બહુ હરામી હોય છે,જયારે માણસ દુઃખમાં હોય ત્યારે તે જવાનું નામ નથી લેતો અને માણસ જયારે સુખમાં હોય ત્યારે તે ક્ષણવાર માટે રોકાવાનું.સ્થિર થવાનું નામ નથી લેતો.

              એક દિવસની વાત છે,કેતન દુકાનમાં કોઈ ગ્રાહક ના હોવાથી દરોજની આદત પ્રમાણે ફોનમાં શાંતિથી હિન્દી ફિલ્મોના ગીતો સાંભળી રહ્યો હતો.જેવા અમુક ગીતો પુરા થયા હશે ત્યાં કેતનના મોબાઇલમાં કોઈ અજાણ્યા નંબરનો મિસ-કોલ આવ્યો,કેતન પહેલી વખત તો તે મિસ-કોલ પ્રત્યે ધ્યાન ના આપ્યું,તે એમ સમજવા લાગ્યો કે જો તેને કામ હશે તો તેવો મને સામેથી રીંગ કરશે હું શા માટે તેને ફોન કરું.

            મિસકોલ વિશે વિચારવામાં એક-બે નહી પણ કેતનના મોબાઇલમાં ત્રણ ત્રણ મિસકોલ આવી ગયા,કેતનને ગીતો સાંભળવામાં ખલેલ પહોચતી હોવાથી તેને સામેથી ફોન નહોતો કરવો છતાં અજાણ્યા નંબર પર રીગ કરવાની ફરજ પડી.

            કેતનને અજાણ્યા આવેલા નંબર ડાયલ કર્યા એટલે સામે રીંગ ગઈ,કોઈકે ફોન ઉપાડ્યો એવું લાગ્યું એટલે કેતન પહેલા કહ્યું: “હેલો “ હેલો કહ્યું એટલે સામેથી પણ હેલો એવો અવાજ આવ્યો,અવાજ ઉપરથી કેતનને ખ્યાલ આવી ગયો હતો કે આ મિસકોલ કરનાર કોઈ પુરુષ નથી પણ એક છોકરી જ છે.

             કેતને ફરી સામેથી પૂછ્યું : “ તમે કેમ મને ફોન કર્યો,શા માટે મને મિસકોલ મારો છો,તમે મને ઓળખો છો “

              સામેથી કેતનના પ્રશ્નોના પ્રત્યુતર આવતો હોય તેમ જવાબ આવ્યો : “મારું નામ રીતા છે,હું તમને સારી રીતે ઓળખું છું,હું તમને ખરેખર ખુબ જ પ્રેમ કરું છું “

              “ હે પ્રેમ,મને,,,,,,,, મેં તો તમને ક્યારેય જોયા પણ નથી, તો પણ તમે મારા પ્રેમમાં કઈ રીતે પડ્યા,” કેતને પેલી છોકરીને આશ્રર્ય અને નવાઈ લાગતા પૂછ્યું

             “ હું તમને પહેલેથી જ  સારી રીતે ઓળખું છું,તમારે ઇલેક્ટ્રિકની દુકાન છે,તે પણ હું સારી રીતે જાણું છું.મેં તમને ધણી વખત જોયા છે, મને ખરેખર તમે પહેલી નજરમાં જ ગમી ગયા હતા પણ મારી પાસે તમારો નંબર નહોતો.આથી હું વહેલા તમારો સંપર્ક કરી શકી નહી પણ આજ મને તમારું કાર્ડ મળ્યું તેમાં તમારો નંબર હતા આથી મેં તમને મિસકોલ માર્યો “ રીતા બધું વિગતવાર એક પછી એક એમ બધું કહેવા લાગી.

              કેતનને રીતાની બધી વાત મજાક સમાન લાગતી હતી કારણ કે કોઈ છોકરી સામેથી પ્રેમ કરે તે વાત તેને માન્યમાં આવતું નહોતું,કેતન પણ યુવાન હતો,તેને પણ પ્રેમ કરવો ગમતો હતો પણ મમ્મીએ ઘરેથી ના પાડી હોવાથી તે ક્યારેય કોઈ છોકરી સામે ઉચા મસ્તકે જોતો નહી,પણ અત્યારે લક્ષ્મી ચાંદલો કરવા આવી હોય ત્યારે મોઢું ધોવા ના જવાય તેમ માની કેતનને રીતાને ફોનમાં આગળ વાત કરતા કહ્યું :     

              “તમે મારા પ્રેમ હશો તે વાત બરોબર છે,પણ મેં તમને ક્યારેય જોયા નથી તો હું તમને કઈ રીતે કહી શકું કે હું પણ તમને તમારા જેટલો પ્રેમ કરું છું “

             “ તમે શું કહેવા માગો છો,એ હું જાણું છું,હું કાલ જ તમને મળવા તમારી દુકાને આવીશ,જો હું તમારા પ્રેમને લાયક હોય તો તમે મારા પ્રેમનો સ્વીકાર કરજો નહિતર મારા પ્રેમને ઠોકર મારજો,ચાલો હવે મારે કામ છે આટલું બોલીને કેતન કઈ જવાબ આપે તે પહેલા તો રીટાએ ફોન કાપી નાખ્યો.

             કેતન હવે ગીત સાંભળવાને બદલે રીતાના વિચારોમાં જ ખોવાય ગયો,કેતનને મનમાં પ્રશ્ન થવા લાગ્યા કે રીતા દેખાવમાં કેવી હશે,તે કેટલી સુંદર હશે,તે મારા માટે લાયક હશે કે નહી,કાલે તે મારી પાસે આવશે ત્યારે હું તેની સામે શું બોલીશ,આવી બધી ક્લ્પ્નમાં કેતન રાચવા લાગ્યો,

              આજ કેતનને ધંધો કરવાનો રસ ના હોય તેમ બપોર થઇ ગયું હોવાથી મમ્મીએ તૈયાર કરેલું ટીફીન જમીને અને હવે મજા નહિ આવે એમ માની કેતન જે દરોજ સાંજે દુકાન બંધ કરતો હતો તે દુકાન આજ પહેલીવાર બપોરે બંધ કરી દીધી,અને પોતાના ઘરે જતો રહ્યો.

              આજ કેતન કેમ વહેલો આવી ગયો એ જોઇને નીરુપબેનને પણ બહુ નવાઈ લાગી,તેણે શા માટે આજ બેટા વહેલો આવી ગયો તેવું પૂછ્યું એટલે કેતનને પોતાના મમ્મીને ટુકમાં જ જવાબ આપ્યો : “ મમ્મી આજે મને ધંધો કરવામાં મુડ નહોતું આથી આજે ઘરે વહેલો આવતો રહ્યો”

               કેતનનો જવાબ સાંભળી નીરુપાબેન વધુ પૂછવાને બદલે પોતાનું કામ કરવા લાગ્યા,કેતન મમ્મીને જવાબ આપીને પોતાના રૂમમાં જઈને પથારી પર પડી ગયો અને વિચારવા લાગ્યો :”મારામાં એવું શું હશે કે તે છોકરી મારા પ્રેમમાં પડી હશે અને મને પહેલી નજરે જ પ્રેમ કરવા લાગી હશે.જે હોય તે હવે તો ઝડપથી સવાર થાય અને ફરી દુકાને જાવ તો સારું,એટલે મને બધી ખબર પડી જશે.

              સાંજ પડી ગઈ હોવાથી કેતન પોતાની મમ્મી સાથે જમીને કોઈ વ્યસન ન હોવાથી બજારે લટાર મારવા જવાને બદલે થોડોક સમય ટીવીમાં આવેલી સીરીયલ જોઇને પોતાના રૂમમાં જઈને સવારની રાહમાં ફરી સુઈ ગયો,

             મસ્ત સ્વપ્ના જોવામાં કેતનને સવાર ક્યારે પડી ગઈ અને ક્યારે કુકડો પોતાના દરોજના ક્રમ પ્રમાણે બોલ્યો તેની પણ ખબર ના રહી.સવારે ઊઠવાનું મોડું થઇ ગયું હોવાથી કેતન ઝટપટ તૈયાર થઈને નાસ્તો કરવા લાગ્યો.નાસ્તો કરીને દરોજની આદત પ્રમાણે નીરુપબેનના ચરણસ્પર્શ કરીને પોતાની ટુવ્હીલર ગાડી પર બેસીને દુકાન જવા રવાના થયો.

              દુકાને પહોચીને કેતનને પહેલા તો દુકાનના દરવાજાને પગે લાગ્યો અને પછી દુકાનના દરવાજાનું તાળું ખોલીને અંદર પ્રવેશ્યો,દુકાનની અંદર પણ એક ગોખલામાં રહેલા ગણપતી બાપાના મંદિરમાં અગરબત્તી કરી અને ગણપતી બાપાના દર્શન કરી પોતાની સીટ પર બેસી ગયો.અને ગીત સાંભળવાને બદલે રીતા ક્યારે આવે તેની રાહ જોવા લાગ્યો.

               રીતાની રાહ જોવામાં ધીમે ધીમે ઝડપથી સમય પચાર થઇ રહ્યો હોય તેમ ધડીયાળમાં નવના ટકોરા પડ્યા,દસના ટકોરા પડ્યા ,અગિયારના ટકોરા પડ્યા પણ હજી સુધી રીતા આવી નહોતી.કેતનને હવે રીતા વિશેના બીજા વિચારો આવવા લાગ્યાત,તેને હવે એમ મનમાં થવા લાગ્યું કે રીતા ખોટી છોકરી હશે,મારી સાથે રમત રમતી હશે અથવા તો મને ખોટી રીતે હેરાન કરતી હશે અથવા તો પોતાના સમય કોઈ રીતે પચાર થતો નહી હોય એટલે મને મિસકોલ મારીને હેરાન કરતી હશે,રીતા હવે આવશે નહી એમ માની કેતન પહેલાની જેમ ફરી મોબાઇલમાં ગીત સાંભળવા લાગ્યો.

                કેતનને હવે રીતા મને મળવા આવશે તેવો વિશ્વાસ રહ્યો નહોતો ત્યાં જ સામેથી એક ફૂલ જેવી સુંદર છોકરી ધીમા ધીમા પગલે પોતાની દુકાન તરફ આવતી હોય તેમ કેતનને લાગ્યું.પણ કેતનને તે ફૂલ જેવી સુંદર છોકરી પર કઈ ખાસ ધ્યાન આપ્યું નહી.

                ધીમે ધીમે ચાલતી પેલી છોકરી કેતનની દુકાનની અંદર દાખલ થઇ અને કેતન સામે હાથ ધરતા બોલી : “હાય મારું નામ રીતા છે,મારાથી આવવામાં થોડુક મોડું થઇ ગયું તે માટે હું ખુબ દિલગીર છું,તો મને માફ કરવા નમ્ર વિનંતી “

                 કેતનને પહેલા તો હાથ મિલાવવામાં બહુ સંકોસ થયો પણ પછી બધી હિમ્મત એકઠી કરીને તેણે રીતા સામે હાથ મિલાવ્યો.કેતન તો રીતાની સુંદરતા જોઇને જ પાણી પાણી થઇ ગયો હતો,રીતા એટલી બધી દેખાવમાં મસ્ત અને સુંદર હતી કે કેતન જોઇને આભો થઇ ગયો હોય તેમ જડ બની ગયો અને તેની સુંદરતાનું રસપાન કરવા લાગ્યો.

                 રીતાની સુંદરતા જોઇને કેતનને શું બોલવું તે કઈ ખબર ના પડી એટલે તે મુક-પ્રેક્ષકની જેમ ઉભો રહ્યો.કેતન કઈ બોલ્યો નહી એટલે રીતાએ સામેથી કહ્યું :” હું તમને ખુબ જ પ્રેમ કરું છું,શું તમે પણ મને પ્રેમ કરો છો “

                 કેતન તો રીતાની સુંદરતા જોઇને જ જડ બની ગયો હોવાથી કઈ બોલી શક્યો નહી પણ રીતાએ બે ત્રણ વાર પૂછ્યું હોવાથી કેતનને જવાબ નહોતો આપવો છતાં આપવો પડ્યો : “હું પણ તમને જોતા જ તમારા પ્રેમમાં પડી ગયો છું,ખરેખર તમારી સુંદરતા જોઇને હું પાગલ થઇ ગયો છું “

                 કેતને પોતાને લાયક ગણી તે જાણીને રીતા બહુ ખુશ થઇ,તે કોઇપણ શરમ રાખ્યા વગર કે પૂછ્યા વગર કેતનને ભેટી પડી,કેતન પણ કોઈ શરમ કે ભય રાખવાને બદલે. જેમ મૂળ વૃક્ષને જકડી રાખે તેમ રીતાને જકડી રાખી.

                 મધુર મુલાકાત અને મેળાપ થઇ ગયો હોવાથી અને મોબાઇલ નંબરની આપલે થઇ ગઈ હોવાથી રીતા કેતનને ફરી મળીશું કહીને એક મીઠું અને કાતિલ સ્મિત દઈને જતી રહી,કેતન પણ રીતા જેવી સુંદર છોકરી પોતાના પ્રેમમાં પડી છે એ જાણીને ખુશ અને આનંદિત થઇ ગયો.,જેમ ધૂની પાગલને મોજ આવે તેમ કેતનને રીતાની પ્રેમ યાદ આવી જતા મોજ આવી જતી.કેતનને પોતાના મમ્મીને આ વાત કહેવાનું મન થયું પણ મમ્મી આવું કરવાનું ના પાડશે અને ખીજાશે તેના કરતા ના કહેવું અને ચુપ રહેવું તેજ કેતનને યોગ્ય લાગ્યું.

                 હવે પ્રેમમાં પડવાથી જે કેતન પહેલા મોબાઇલમાં ગીતો સાંભળતો તેજ કેતન હવે આખો દિવસ રીતા સાથે મોબાઇલમાં વાતો કરવા લાગ્યો.નીરુપબેનને કેતનના વર્તન જોઇને ખ્યાલ આવી ગયો હતો કે મારા દીકરામાં જરૂર કઈક બદલાવ આવી ગયો છે,નીરુપાબેન ધણી વખત કેતનને અચાનક આવેલા બદલાવનું કારણ પૂછતા પણ કેતન તેને ટુકમાં જવાબ આપી દેતો કે : “ મમ્મી મને કઈ થયું નથી,હું જેવો પહેલા હતો તેવો જ અત્યારે છું “

                  રીતા પોતાના જીવનમાં આવવાથી કેતનના જાણે જીવનમાં નવી રોનક અને ઉત્સાહ આવી ગયો હોય તેવી લાગણી થવા લાગી.રીતા ક્યારેક નવરી હોય ત્યારે કેતનને મળવા દુકાને આવતી અને કેતન પણ રીતાને લઈને ક્યાંક બગીચે ફરવા જતો અથવા તો કોઈક સારી એવી હોટલમાં જમવા જતો અને જો બન્ને પાસે વધુ સમય હોય તો થીએટરમાં  ફિલ્મ જોવા જતા.

                   રીતા જયારે પણ કેતનને મળવા આવે ત્યારે કેતન તેને અવનવી ભેટ આપતો ,ક્યારેક બ્રેસલેટ તો ક્યારેક ડ્રેસ અથવા તો ક્યારેક બીજી કોઈ મહત્વની વસ્તુ. રીતા માટે કેતનને મળવાનું એટલે પ્રેમ દેવાનો અને ભેટ લેવાનું,

                   કેતન ખરેખર પોતાનોમાં રહેવાને બદલે રીતામાં રહેવા લાગ્યો હોય એવું થવા લાગ્યું હતું.કેતન રીતાના પ્રેમમાં પુરેપુરો સમર્પિત થઇ ગયો હતો. કેતન પ્રેમમાં એટલો બધો ઊંડો ઉતરી ગયો હતો કે તેને હવે રીતા સાથે લગ્ન કરવાના વિચારો પણ આવવા લાગ્યા હતા.કેતન રીતા સાથે લગ્ન કરવા ઉત્સુક હોવાથી તેણે રીતાને સામેથી પૂછ્યું : “ રીતા હું તારી સાથે લગ્ન કરવા માગું છું, શું તું પણ મારી સાથે લગ્ન કરવા રાજી છે “

                   રીતા કેતને પૂછેલા અચાનક લગ્ન વિશેનો પ્રશ્ન સાંભળી પહેલા તો બહુ રાજી થઇ પણ પછી ત્વરિત જવાબ આપવો યોગ્ય નથી એમ માની તેણે કેતનને કાલે હું તમને વિચારીને જવાબ આપીશ એટલું કહીને પોતાના ઘરે જતી રહી.

                   રીતા પણ જાણતી હતી કે જો પોતે કેતન સાથે લગ્ન કરશે તો ક્યારેય દુખી નહી થાય,રીતા પણ કેતન સાથે લગ્ન કરવા રાજી હતી પણ તેને ખબર હતી કે મારા મમ્મી-પાપા હું જયારે લગ્ન વિષે તેને વાત કરીશ ત્યારે તેવો વિરોધ કરશે,એટલે રીતાએ પોતાની રીતે કેતનને પ્રશ્નનો શું જવાબ આપવો એ વિચારી લીધું.રીતા તેના મમ્મી-પાપાને જણાવે કે નહી પણ તેના મમ્મી-પાપાને ખ્યાલ આવી ગયો હતો કે મારી દીકરી કોઈ અજાણ્યા યુવાન સાથે હરે-ફરે છે,પણ રીતા એકની એક દીકરી હોવાથી તેના મમ્મી=પાપા તેના પર ગુસ્સો કરવા અસમર્થ હતા અને તેવોને એવો ભય હતો કે જો અમે દીકરીને પ્રેમ વિષે ખીજાશું તો તે કઈક ન કરવાનું કરી બેસશે તો.એટલે રીતાને કઈ કહેવાને બદલે તેના મમ્મી-પાપા કેતનનું જ કઈક કરવું પડશે તેવા વિચારો કરવા લાગ્યા અને કેતન પોતાની દીકરીની જિંદગીમાંથી જતો રહે તે માટે કેતનને દુર કરવાનો એક મસ્ત પ્લાન બનાવ્યો.

                   આ બાજુ કેતન એ વિચારે ચડ્યો હતો કે રીતા મને લગ્નની બાબતમાં હકારમાં જવાબ આપશે કે નકારમાં.ખરેખર જો તે મને દિલથી પ્રેમ કરતી હશે તો તે મારી સાથે લગ્ન કરવાની હા પાડશે.અને જો તે ખાલી મારી સાથે પ્રેમનું નાટક અને રમત રમતી હશે તો તે મને લગ્ન કરવાની ના પાડશે.તેના લગ્ન માટેના હા કે ના જવાબમાં મને પ્રેમ કરે કે રૂપિયાને એ બધું મને ખ્યાલ આવી જશે.

                    કેતન પથારીમાં પડખા ફેરવી ફેરવી નીતનવા રીતા વિશેના વિચારો કરીને સમય ગુજારવા લાગ્યો.સમય સમયે કલાકોના ટકોરા પડવા લાગ્યા અને એમ કરતા કરતા સવાર પણ પડી ગયું.દરેક સવાર કરતા આજની સવાર કેતન માટે બહુ મહત્વની અને અગત્યની હોય તેમ ઝડપથી તૈયાર થઇ ગયો,નાસ્તો પાણી કરી લીધા અને મમ્મીના ચરણસ્પર્શ કરીને ટુવ્હીલર ગાડીમાં બેસીને દુકાને પણ જતો રહ્યો.

                    કેતને ભલે આજે પોતાનું કામ ઝડપથી કરીને દુકાને આવતો રહ્યો હોય પણ તે દેખાવમાં આજે વરરાજા જેવો લાગતો હતો,જાણે કે આજે તેને કોઈક સાથે લગ્ન કરવાના હોય,કેતને દુકાનમાં પોતાની દરોજની ક્રિયા કરીને ખુરશી પર બેસીને રીતાનો મિસકોલ અને મેસેજની રાહ જોવા લાગ્યો.

                    લગભગ બપોરના અગિયાર વાગ્યા થયા હશે ત્યાં રીતાનો ફોન આવ્યો., કેતને ફોન ઉપાડ્યો હોવાથી રીતા તેને કહેવા લાગી :” કેતન હું તને પેલું ખંડેર જેવું જુનું મંદિર છે ત્યાં મળવા માગું છું અને ત્યાં હું તને એક સરપ્રાઈઝ અને તારો પ્રશ્નનો જવાબ આપવા માગું છું એટલે તું બની શકે તેટલી ઝડપથી ત્યાં પહોચી જા “આટલું બોલીને રીતાને કઈક કામ હોય કે પછી શેનીક ઉતાવળ હોય તેમ ફોન કાપી નાખ્યો.

                    કેતનને પહેલા તો રીતાએ તેને શા માટે તે અવાવરું જગ્યાએ બોલાવ્યો હશે અને તે મને શું સરપ્રાઈઝ આપવા માગતી હશે અને તે મારા પ્રશ્નનો જવાબ શું આપશે એવા બધા પ્રશ્નો કેતનના મગજમાં એકી સાથે ઉદભવ્યા, જે હોય તે એમ માની કેતને પોતાની દુકાનને તાળું મારી રીતાએ તેને જ્યાં અવાવરું જગ્યાએ બોલાવ્યો હતો ત્યાં પહોચી ગયો.

                    કેતનને તે અવાવરું જગ્યાએ આમતેમ જોયું પણ રીતા ક્યાય તેને નજરમાં ના આવી,કેતનને ફક્ત આજુબાજુ મસ્તીથી ઉભેલા વૃક્ષો અને પેલું ખંડેર જેવું લાગતું મંદિર જ ધ્યાનમાં આવ્યું.કેતન રીતાની આતુરતાથી રાહ જોવા લાગ્યો પણ એક કલાક થઇ ગઈ હોવા છતાં હજી રીતા આવી નહોતી રીતા આવી ન હોવાથી કેતન આમતેમ નજર કરીને થાકી ગયો હોય તેમ તે પેલા ખંડેર જેવા લાગતા મંદિરના પગથીયે બેસી ગયો.

                   કેતન બેસી ગયો હોવા છતાં તેની નજર તો રિતાને જ આમતેમ શોધી રહી હતી પણ રીતા તો ના આવી પણ સામેથી ચાર-પાચ પહાડી અને ગુંડા જેવા લાગતા લોકો કેતન પાસે આવ્યા.તે પહાડી અને ગુંડા જેવા લાગતા લોકો કંઈપણ બોલવાને બદલે સીધો જ કેતનને પકડી અને તેને એક વૃક્ષ પાસે લઇ જઈને ત્યાં વૃક્ષ ઉપર જેમ જલ્લાદ ગુનેગારને લટકાવે તેમ લટકાવી દીધો.

                    કેતન માટે આવું બધું ધાતકી અચાનક મારી સાથે શું થઇ રહ્યું છે તેની કઈ સમજ ના પડી.કેતન હવે રીતાના વિચારો કરવાને બદલે જિંદગીના છેલ્લા શ્ર્વાસના વિચારો કરવા લાગ્યો.કેતન વૃક્ષ ઉપર લટકતા લટકતા જયારે જિંદગીના છેલ્લા શ્ર્વાસ ગણી રહ્યો હતો ત્યાં તો ખડખડાટ હાસ્ય કરતી રીતા પ્રગટ થઇ અને કેતનની લાચારી અને દયનીય હાલત જોઇને કહેવા લાગી : “કેતન હું ખુબ જ દિલગીર છું કારણ કે આ મારો દરોજનો ધંધો છે,હું પહેલા છોકરાને પ્રેમમાં પાડું છું,પછી તેની પાસેથી પૈસા પડાવું છું અને પછી છેલ્લે તેને પ્રેમમાં બેવફાઈ કરીને અથવા દગો દઈને ડેમમાં પાડું છું.

             હું તને પ્રેમ કરતી હતી પણ ખાલી પૈસા ખાતર.પણ મારી તારી સાથેની પ્રેમની વાત મારી મમ્મી-પાપાને ખબર પડી ગઈ હતી,તેને આપણા પ્રેમના સંબધની ખબર પડી તે મને ના ગમ્યું, તે તને મારાથી દુર કરવા માંગતા હતા પણ હું દીકરી હોવાથી મારા મમ્મી-પાપાને કોઈ કષ્ટ ના લેવું પડે એટલે મેં જ તને મારાથી દુર કરી નાખ્યો.કેતન હું તને જે સરપ્રાઈઝ આપવા માગતી હતી તે આ જ હતી અને હા હું તારી સાથે લગ્ન કરવા તૈયાર છું પણ આવતા જન્મમાં હોને,

                   રીતા બોલી બોલીને થાકી ગઈ હોય તેમ થોડોક સમય શાંત રહી ગઈ.જેવું રીતાએ બોલવાનું બંધ કર્યું તેવું કેતનનું લટકતું શરીર તરફડીયા મારતું મારતું શાંત થઇ ગયું,કેતનને રીતા સાથે તો લગ્ન ના કર્યા પણ મૃત્યુ સાથે લગ્ન કરીને યમરાજાના દરબારમાં આશીર્વાદ લેવા ગયા હોય તેમ તેના રામ પણ રમી ગયા,કેતનનું શરીર પહેલા જે સજીવ જેવું લાગતું હતું તે શરીર હવે નિર્જીવ જેવું થઇ ગયું હોય તેમ વૃક્ષ નીચે  કોઇપણ ચહલપહલની ક્રિયા કરવાને બદલે શાંતિથી લટકી રહ્યું હતું.કેતન ભગવાનને પ્યારો થઇ ગયો છે એવું જાણીને રીતા એ પેલા પાંચેય ભાડુઆત ગુંડાઓને રૂપિયા આપીને તગેડી મુક્યા ,છેલ્લે રીતા પણ કેતનના મરેલા શબને જોઇને હું તને ખુબ ચાહું છું બોલતી કેતનના નિર્જીવ શરીરને એક મસ્ત અને કાતિલ સ્મિત આપીને પોતાની ઘરે જતી રહી.  .  

                  “ એવું નથી કે ગુનેગાર લોકોને જ ફાસી આપવામાં આવે છે ખરેખર હવે તો લોકો પ્રેમમાં પડેલા લોકોને પણ વૃક્ષ નીચે લટકાવી ફાસી આપી દેતા હોય છે “

   >>>>>>>>>>>> BE HAPPY YAAR<<<<<<<<<<<<<<<<<