એક સાંભળેલી વાત
" ગામડામાં હજી મોબાઈલ ફોનનું આગમન થયું નહોતું ત્યારની વાત છે.એક ગામડાનો વ્યક્તિ સુરત જેવા મોટા શહેરમાં દુકાન હોવાથી રહેતો હતો,તેના લગ્ન થઇ ગયા હોવાથી તેની પત્ની ગામડામાં રહેતી હતી,નવા નવા લગ્ન થયા હોવાથી તેણે હજી પોતાની રૂમ શિફ્ટ કરી નહોતી,આ વ્યક્તિ મહીને મહીને પોતાની પત્નીને મળવા જતો અને કઇકને કઇક ભેટ-સોગાત લેતો આવતો....
શહેરની બજારોમાં ત્યારે મોબાઇલ ફોન આવી ગયા હતા.જયારે ગામડામાં તેનું આગમન થયું નહોતું.પતિને આ વખતે તેની પત્ની બહુ ખુસ કરવી હતી આથી તેણે તેની પત્ની માટે મોબાઇલ લઇ લીધો.
મહિનો થઇ ગયો હોવાથી તે પોતાની પત્નીને મળવા ઘરે આવ્યો,પત્નીને ખબર હતી કે મારો ધણી મારે માટે દરેક વખતે કઈક ને કઈક લેતો આવે છે એટલે આ વખતે પણ લેતો આવ્યો હશે,પત્ની એ તેના પતિને પૂછ્યું: " આ વખતે શું લેતા આવ્યા છો "
" અત્યારે મૂગી રે,હું તને સાંજે આપણા રૂમમાં કહીશ અને આપીશ "
પતિનો જવાબ સાંભળી પત્ની સમજદાર હતી એટલે ચુપ થઇ ગઈ.અને સાંજ પડવાની રાહ જોવા લાગી.જેવી સાંજ પડી અને બેય પતી-પત્ની રૂમમાં ગયા એટલે પતી પોતાની પત્ની માટે જે મોબાઇલ લેતો આવ્યો તે તેને આપ્યો અને કહ્યું હવે આપણે દરોજ મોબાઇલથી વાત કરી શકીશું.ભલે આપણને મહીને મળવાનું થાય,પણ હવે વાત પણ દરોજ કરી શકીશું.
પતીની વાત સાંભળી પત્ની ખુશ થઇ.અને જેમ કોઈ માતા પોતાના બાળકને ગાલ પર ચુંબન કરે તેમ તેણે તેના પતિના ગાલ પર ચુંબન લઇ લીધું,
ગામમાં જે આ વ્યક્તિ હતો તેના મિત્રોને ખબર પડી કે આણે પોતાની પત્નીને મોબાઇલ આપ્યો છે.એટલે તેમાંથી એક મિત્રે જેની પાસે મોબાઇલ હતો તેણે તેના નંબર માગ્યા.દોસ્ત હોવાથી પેલા પતિએ પોતાની પત્નીના નંબર પણ આપી દીધા,.
પેલો દોસ્ત જરીક કાનુડાની જેમ નટખટ હતો,તેને ભાભી સાથે મસ્તી કરવાનું મન થયું એટલે તે એકાંતમાં જઈને ફોન કર્યો.રીંગ થઇ.સામે ફોન ઉપાડીને પેલી પત્ની બોલી-હાલો કોણ બોલ છો.
પેલાએ જવાબ આપ્યો - હું ટેલિફોન એક્ચેંન્જમાંથી બોલું છું.અહી આગ લાગી છે,એટલે તમે તમારો મોબાઈલ આગથી બચાવવા માંગતા હોય તો પાણીની ડોલમાં મૂકી દો.
પત્નીને કઈ ખબર નહોતી.તેને બીક લાગી કે ક્યાંક મારો મોબાઇલમાં પણ આગ ના લાગે.એટલે તેણે પેલા ભાઈના ધન્યવાદ કરીને ફોન કટ કરીને ઝડપથી ડોલ ભરીને ફોન પાણીમાં નાખી દીધો.
આ બાજુ તેનો પતી ખેતર હોવાથી તે તેની પત્નીને ફોન કરતો હતો પણ લાગતો નહોતો.તેને કૈક શંકા ગઈ હોવાથી તે ઝડપથી ઘરે આવ્યો અને તેની પત્નીને પૂછ્યું.: તારો ફોન ક્યાં ગયો છે.હું ક્યારનો પ્રયત્ન કરું છું.પણ લાગતો જ નથી.
પત્નીએ પતિના પ્રશ્નનો નિર્દોષતાથી જવાબ આપ્યો : " ટેલિફોન એક્ચેંન્જમાંથી ફોન આવ્યો હતો કે અહી આગ લાગી છે એટલે તમે તમારો ફોન આગથી બચાવવા માંગતા હોય તો પાણીમાં રાખી દો.એટલે મેં ફોન પાણીમાં રાખી દીધો "
પત્ની વાત સાંભળી એક બાજુ પતિને ગુસ્સો પણ આવતો અને એક બાજુ હસવું પણ આવતું હતું.પત્ની ને શું કહેવું તેજ તેને સમજાયું નહી એટલે સાવ ડોબી છો તું " એટલું બોલીને ચુપ થઇ ગયો "
ટુકમાં લખવું હતું પણ લાંબુ લખાઈ ગયું
be happy yaar
